As mai provadu a ti dimandare
cale cumandu ti moghet su passu
e cantas bortas partit a sa sola
chene pessare e mancu t’abitzare?
Cumprendo chi sa vida sia tua
e su chi naro non ti niat nudda
ma si totu tzirat a s’imbesse
de sos annos c’apo so minore!
Tando dia boler chi torres in segus
a tempus e faghinas chi sa vida
di podet aer tocadu in su caminu
chi si ti pessavas discansosu
a tretos podiat esser traballosu.
Bogande a campu irballios e dannos
semper deretu non c'as acudidu
e sas prus bortas bi ca mancu tue
chi na chi ses abistu as sepertadu
ma est s’ateru chi ti l’at acraridu:
tocandeli su coro e i sa conca
serrandeli sos cricos e sos loros
picandelu a sa mala dae palas
si regollit a un’ala issatu
mancu prus s’abitzat de su tempus
li firmat su mogher che a prima:
e tando abberu non ti bastet pinna
pro ti torrare a totu su c'as fatu!
De cantu mannu in cue ti credias
che pares che su fumu in die de ventu
de su colau d’inbuschent pensamentu
t’imbergas suta seghede o in padente
chi solu e trigulande conca a fogu
ti coles dies de cando no ischias:
indedda vene dae ue ti bidias!
Gai contipitzande che in gherra
a orjatu siat o pane lentu
costas a terra, in vuda o in banita
dormas cantu voles o chi andes
si sa pressione t’artiat a su chelu
sos pedes non si moghent a trumentu
e non t’infundet abba e moghet bentu!
Antonio Balia
35 265 39
-
0 -
0 -
0 -
0 -
0 -
0
