Su bintunu de ghennargiu de su bintunu
est naschidu su partidu comunìsta
e fortes de sa bella concuìsta
de sos chi lo istaiant guvernande
e li andaiant sambene sutzànde
prus non nde vòliant mancunu.
E in ghennargiu ‘e su barantoto
ant batitzadu sa Costitutzione
pro lis garantire sa libertade
e mi sonat oje che unu boto
ca non li connosco prus resone
a custa italiana sotziedade.
Ca como chi che sunt inburghesidos
si ch’ant ismentigàdu sa raichina
su pòveru lis est che un’erichina
chi prus non ischit a umbe si dare
ca l’ant bortadu palas in s’andare:
e in medas che sunt oje afiguridos!
E medas bìvent elemosinande
ma sos prus non bi suni mutinde
e a milliaias si nde v’est fùinde
dae cando tra polìticos e bancas
si sunt allorados puru in ancas:
e canes, solu intendo dillerande!
E pòveros si nd’est puru uchìdende
dae s’avilimèntu 'e cussa vida:
ma galu non si bìdent cambiànde
e vene galu li est alvèschende
e galu e prus si chèrent in partida
custos chi nos suni disastrànde!
Chene lassare bìder un’ispera
de s’imbarare a sa Costitutzione
e a li rènder onore a sa bandera
chi sos partigianos cun resone
ant lischiu difèndere in cuss’era
dae sos nazifascistas, cun passione!
E si acoitu non nde àchent contu
ca non b’est traballu e nen dinare
e galu 'e prus ghetande ite pacàre:
de picare pessu, pontzo in contu!
Antonio Balia
35 265 39
-
0 -
0 -
0 -
0 -
0 -
0
